ही कविता नाही झाली पूर्ण
शब्दांना नाही गाठली धुंद,
नशा ही गरजेची आहे तुझ्या डोळ्यातली
त्यातचं लपते शब्दरचना होऊन मग्न…
लिखाणात शब्दांची अशी काही गोती झाली
निघताना त्यांची धांदल उडाली
बस एक श्वास हृदयात प्रेमाचा
त्याने नक्कीच नवी वाट दाखवली असती…
तू फक्त हो म्हण तुला साहित्यात सजवेन
त्यातल्या कलाकृतीतून नवा रंग देईन,
तुझ्या देखण्या रुपाला काही अलंकार वापरेन
तुला घडवेन आणि तुलाच बघत राहील…
तुझं हसणं खूप महत्वाचं आहे
त्यावर माझं हसणं अवलंबून आहे.
थोडसं पण उदास मन चालत नाही
हसत खेळत राहणंच आपल्याला
माहित आहे…
तू तुझ्यात नको गुंतू मला पहा
तू दूर नको जाऊ जवळ राहा,
जास्त काही नाही मनात माझ्या
तू आहेस जशी तशीच राहा…
