एक हास्य दे पटकन
केव्हापासून वाट पाहतोय त्याची
शब्द आलेत ना ओठांवर तुझ्या
बोलून टाक ना लवकर माझ्यासाठी
आहे ना तू म्हणून लिहायला मजा येते
तुझ्याकडे तुलाच शोधायला मजा आहे
किती गोड गुपित आहे तुझं व्यक्तिमत्त्व
त्याला निरखून तुलाच दाखवायला मजा येते
तू एक अनोखी गोष्ट
जिला वाचण्यात आपलीच मजा आहे
तुझी ती बेधुंद नशा
जिच्यात राहण्याचा वेगळा अनुभव आहे
मस्ती नुसती व्हायला हवी
गप्पा मस्त रंगायला हव्या
या बोलण्याच्या मेहफिलीत
डोळ्यांनी भाग घ्यायला हवा
ही वेळ अनोखी आहे
जरा जास्तच आतुर आहे
काही कळत नाही यार
मदतीची तुझ्या गरज आहे
