मराठी चारोळ्या

का माहित का ?
पुन्हा पुन्हा बोलतो,
सतत टाळाटाळ असते 
तरीही स्वतःहून बोलत असतो… 

भेटून एक वेळ ठरवू आपण
नेमकं काय हवंय मनाला,
बघू पुन्हा होतंय का पाहिल्यासारखं काही 
नाहीतर नव्याने सुरुवात करूया… 

नव्या गप्पांची
नवी तराणी आहेत,
प्रेमात हल्ली तीच 
जुनी गाणी आहेत… 

अवघडून गेलेलं मन अन्
विस्कटलेल्या भावना त्यातल्या,
हृदय बिचारं निरागस हे
त्यालाही ह्या भावना गाठल्या… 

संगत नको सोबत नको आता
का इतका दबाव मनावर माझ्या,
नुसती नजरकैद सगळीकडून
जणू घरचा मी कैदी, हा तुरुंगवास माझा…