अशीच राहो
@UgtWorld
अशीच राहो तुझ्या डोळ्यातली नशा
त्या नशेत माझं जगणं असतं
अशीच राहो मैत्रीतली उब
त्यातचं माझं राहणं असतं
अशीच राहो जवळीक आपली
त्यातचं माझं वागणं असतं
अशीच राहो साथ तुझी
त्यातचं तुला जवळ ठेवणं असतं
अशीच राहो प्रेम संगत आपली
त्यातचं आपलं आयुष्य सरतं…
ताबा
@UgtWorld
गुंता वाढत चाललाय मनाचा
त्याला थारा मात्र मिळत नाही
मनाजोगतं वागणं हे सारखं
हरवत आहे, लवकर उमगत नाही..
माझी हरकत कसलीच नव्हती
माझं एकच प्रेम होत सोबत
झुकलं माझं प्रेम तिच्या भावनांसकट
काय होत मनात, काय राहिलं?
फरक नाही दिसत मला
विचित्र प्रकार दिसतो आता
वागणं फरकातील आहे माझ्या
मला त्याचा ताबा हवा…
एक आस असावी
@UgtWorld
वाद-विवाद नेहमीचेच
थोडी समज जवळ असावी
प्रेम-विरह होतात अनेक
पण, त्या विरहात प्रेमाची ऊब असावी..
मायेने ज्या शब्द आले समोर
त्या ओठांना त्याची सर असावी
अबोल्यातील राग अधिक वाढेल
कमी करायला, बोलणीची चाल असावी..
गरज लागेल उमेदीची थोडीशी
न बोलता मनाची जवळीक असावी
मिटेल वाद, होतील संवाद पुन्हा
थोडीशी आशा जवळ नेहमी असावी…